{"id":61,"date":"2008-08-24T17:20:49","date_gmt":"2008-08-24T17:20:49","guid":{"rendered":"http:\/\/xosecounhago.wordpress.com\/?p=61"},"modified":"2023-01-23T11:22:52","modified_gmt":"2023-01-23T11:22:52","slug":"mamoa-4-da-chan-dos-toucinos-candean","status":"publish","type":"post","link":"http:\/\/xosecounhago.com\/?p=61","title":{"rendered":"M\u00e1moa IV da Chan dos Touci\u00f1os (Cande\u00e1n)"},"content":{"rendered":"

\"\"<\/a>Localizaci\u00f3n<\/strong>:<\/h3>\n

(Ver en Google Maps<\/strong><\/a>)<\/p>\n

Esta m\u00e1moa est\u00e1 no interior do cemiterio privado de Cande\u00e1n, nun lugar habilitado especialmente para a s\u00faa \u201cconservaci\u00f3n\u201d. Forma parte do conxunto formado por catro m\u00e1moas denominado Chan dos Touci\u00f1os<\/em><\/a>.<\/p>\n

Descrici\u00f3n<\/strong>:<\/h3>\n

O t\u00famulo est\u00e1 moi alterado debido \u00e1s continuas agresi\u00f3ns que sufriu.<\/p>\n

A\u00ednda se poden apreciar os seus 10 metros de di\u00e1metro e o medio metro de altura que conserva. Inicialmente ti\u00f1a uns 11 ort\u00f3statos, hoxe en d\u00eda apenas podemos atopar 3 chantos xuntos no centro da m\u00e1moa, arrodeados doutras pedras de dif\u00edcil asignaci\u00f3n, mesturadas con outras claramente modernas. Espallados pola m\u00e1moa tam\u00e9n poden apreciarse outros elementos que poden ser ort\u00f3statos deste dolmen, mais que non se poden precisar con claridade.<\/p>\n

\"\"<\/a>Estado de conservaci\u00f3n<\/strong>:<\/h3>\n

Por unha parte, lament\u00e1bel e penoso; por outra, menos mal que a\u00ednda est\u00e1 a\u00ed o que dela queda. Foi unha pena que se deixase estragar dende o principio, mesmo a punto de desaparecer, para despois facer un intento de posta en valor cos seus restos.<\/p>\n

Valoraci\u00f3n final<\/strong>:<\/h3>\n

Paradoxos da historia, estamos ante un cemiterio dentro doutro cemiterio. Poder\u00eda parecer que os seres humanos escollemos os lugares dos modernos cemiterios por algunha reminiscencia dos antigos. A separaci\u00f3n cronol\u00f3xica entrambos os dous \u00e9 de m\u00e1is de 5.000 anos. Pensemos que o actual \u00e9 un cemiterio que data dos anos noventa; polo tanto, moi recente. Cunha lei de conservaci\u00f3n do patrimonio en vigor, con gobernos democr\u00e1ticos no Concello, cunha serie de recursos legais e de vixilancia e control que permitir\u00edan que se evitase todo o dano que se produciu neste conxunto arqueol\u00f3xico (hai unha inmensa m\u00e1moa, Chan dos Touci\u00f1os 3, apegada ao exterior do recinto que foi gravemente mutilada) e non se fixo nada.<\/p>\n

 <\/p>\n

\"\"<\/a>E non obstante hai que dicir que \u00e9 unha sorte que a\u00ednda poidamos conservala na actualidade. A pesar da inadecuada situaci\u00f3n deste cemiterio, nunha zona de alta sensibilidade arqueol\u00f3xica, os seus promotores conscientes da s\u00faa relevancia hist\u00f3rica, reservaron un lugar dentro do recinto para a s\u00faa conservaci\u00f3n. Disp\u00faxose un dese\u00f1o estrelado de pequenos vieiros de grava que converxen na m\u00e1moa dende distintos lugares e mant\u00e9\u00f1ena limpa de maleza.<\/p>\n

O estrago sufrido por esta tumba neol\u00edtica \u00e9 case irrecuper\u00e1bel. Agardemos que unha merecida prospecci\u00f3n sirva par unha posta en valor e co\u00f1ecemento das s\u00faas caracter\u00edsticas iniciais.<\/p>\n

Galer\u00eda de imaxes:<\/h3>\n

Podedes ver unha galer\u00eda de fotos<\/a><\/strong> desta m\u00e1moa.<\/p>\n

M\u00e1is informaci\u00f3n<\/strong> na Web:<\/h3>\n